نانسي عجرم تتعرض لأزمة داخل مطار بيروت.. وتهاجم المسؤولين

1561807349 article

نشرت الفنانة اللبنانية نانسي عجرم على حسابها الرسمي عبر تويتر، مقطع فيديو يوضح حالة التزاحم الشديد بمطار بيروت، وظهرت فيه وهي تحمل ابنتها الرضيعة.

وعبّرت عن غضبها، معلّقة: "أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد إهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟".

وكتبت أيضاً: "بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟؟؟ يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا رحية الزبالة بالمطار؟ والإهمال؟"

ثم فعلت نانسي بعد ذلك هشتاق #عيب_عليكن، في تغريدة قالت فيها: "ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا.. لهون وبس. #عيب_عليكن".

ثم أنهت تغريداتها حول ماحدث، بنشر صورة للإزدحام وعدم التنظيم داخل المطار، قائلة: "هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ #عيب_عليكن"

وأخيراً، فقد لاقى مقطع الفيديو تفاعلاً كبيراً من جمهور الفنانة والمواطنين اللبنانين، حيث تمت مشاركته بشكل واسع على وسائل التواصل الاجتماعي، للتأكيد على أن هذا واقع يعيشه المواطن اللبناني.

 

scroll load icon