أحمد زاهر يتخذ قرارات صارمة ضد المتحرشين والمتنمّرين على إبنته

أحمد زاهر يتخذ قرارات صارمة ضد المتحرشين والمتنمّرين على إبنته

هاجم الفنان المصري أحمد زاهر بالأمس الموجة الشرسة من الشتائم والسباب التي تعرّض لها هو وابنته بسبب صورة جمعتهما سوياً في حمام السباحة، وذلك خلال مداخلة هاتفية  لبرنامج "القاهرة الآن".

 

وعبّر زاهر عن استيائه، قائـلاً: "ليه إتغيرنا؟ وليه بقينا وحشين كده؟ ليه بنحاول نجرح في الناس بالشكل ده؟ وليه بنجرح في أطفال وشباب صغيرين ليه؟ بيقولولي إزاي حاضن بنتك، مش عارف إيه العيب في ده؟".

 

وأضاف: "لو مش عاجباك الصورة سيبها ياخي وعدي عليها ده حسابي الشخصي وأنا حر فيه.. أنا صورت الصورة وأنا حاضن بنتي ومش باين فيها إلا دراعها ومداري كل حاجة، ومستحيل أطلع صورة بنتي بمايوه، دا فين ناس بتقولي عيب تحضن بنتك! دي بنتي حتى مني أحضنها زي ما أنا عاوز".

 

ودافع زاهـر عن عائلته، قائلاً: "إحنا عيلة محترمين في لبسنا وشكلنا.. وبنحافظ على كل حاجة وده أسلوب حياتنا.. الصورة دي من فترة والشتايم عمالة تزيد على نفس الصورة وبيشتموني بأفظع الشتايم المهينة اللي مينفعش تتقال على الهواء، أنا بتصور مع بنتي مش واحدة من الشارع.. أنا عن نفسي لما حد بيشتمني بعمل ديليت وبلوك، لكن بناتي لا ده حاجة وجعتني ووجعت بناتي وصحباتهم إتصلوا بيهم"

 

وفي مداخلة هاتفية أخرى لبرنامج "التاسعة" الذي يقدمه الإعلامي وائل الإبراشي، قال: "بيقولولي إزاي حاضن بنتك مش عارف إيه العيب في ده؟"، وأضاف: "لو حصلت شتيمة تاني مش هسكت.. هصور الشتايم وهقدم بلاغ في مباحث الانترنت ضد أي حد يشتم بناتي مش هسكت زي شريف منير اللي بدأ بده"، وناشد بتغليظ العقوبة على من يتم إلقاء القبض عليه.

 

وأشار الفنان أحمد زاهـر إلى أنه تعرض لهجمة أخرى من الانتقادات اللاذعة والتكفير بعد عرض البوستر الدعائي لفيلمه القـادم "زنزانة 7"، إذ أنه يقدم فيه شخصية رجل لديه وشماً على ذراعه، على الرغم من تقديم الشخصية في سياق درامي.

 

 

 

اقرئي أيضاً:

"أرض المبدعين" تختار سارة أبي كنعان كأفضل ممثلة لبنانية!

 

scroll load icon