زوجة يوسف الشريف توجه رسالة مباشرة لمن حرّفوا تصريحاته

دافعت المؤلفة ومصممة الأزياء انجي علاء زوجة يوسف الشريف عن زوجها برسالة مباشرة نشرتها عبر حسابها الشخصي على فيسبوك، بعد الهجوم القاسي الذي تعرّض له بسبب تحريف رأيه في تقديم المشاهد الساخنة.

وكتبت انجي علاء، قائـلة: "في أخبار كتير مغلوطة عن يوسف متداولة من حواره مع الإعلامي رامي رضوان اللي اتذاع في برنامجه مساء dmc بس متحرفة بزيادة شوية.. يوسف اتكلم عن المشاهد الساخنة وأعرف فنانين كتير تانيين مش بيحبوا يعملوها".

وأضافت: "إيه اللي جاب ملامسة النساء للموضوع.. أوفر أوي بصراحة!! هو مجبش سيرة ملامسة النساء والحوار موجود على صفحة القناة! ياريت يكون في تحري للدقة عند تغطية الحوارات واحترام لرأي وأفعال الناس مادام مش بتضر حد وشكرا لكل أصحاب الأقلام المهنية اللي لما غطت الحوار نقلت اللي فعلا دار فيه #يوسف_الشريف".

وتجدر الإشارة إلى أن الفنان يوسف الشريف كان قد صرّح في برنامج مساء DMC عن رأيه الشخصي في تقديم مشاهد جريئة، قائلاً: "أنا مبستريحش خالص ودا مش لطيف بالنسبالي لما يبقى في مشاهد ساخنة أو قبلات في أعمالي، وبكتب دا في العقود وده مش جديد وبعمله من 10 سنين، ويهمني قوي إن المشاهد وهو بيتفرج ميضايقش من أي حاجة".