بالصورة | تامر حسني يعاتب زوجته ويصالحها على انستقرام

بعد أيام من تصدّر خبر انفصال المغربية بسمة بوسيل عن زوجها المغني المصري تامر حسني لقوائم البحث على جوجل، عادا الثُنائي من جديد ليُشعلا مواقع التواصل الاجتماعي بالصلح!

وفي التفاصيل، أعلن تامر حسني مصالحته لزوجته بسمه بوسيل مع توجيه بعض العتاب واللوم إليها عبر ستوريز انستقرام، يقول فيهم: "بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كام تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني عليها وحبيبتني بيها".

وأضاف: "ازاي وصلوكي للزعل والبعد فترة.. المهم انا مش هزعل منك ولا يرضيني زعلك انتي حبيبتي وأم ولادي .. أنا ضهرك وسندك مهما حصل، بس اللي عايز اقوله لعل نكون سبب خير في توعية ناس كتير".

وتابع: "ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفتي ان في ناس في طبيعتهم حب خراب البيوت ومش هنخلص منهم بس انتي اللي هتخلصي من فكرة انك تسمعيهم".

وكتب في ستوري أخرى نشره عبر حسابه الشخصي بانستقرام: "ياريتك تركزي مع طاقة الناس اللي دعولنا ودعوا لولادنا وفعلا انا بشكر كل الناس والفنانين اللي سعوا في الخير لينا.. وانا واثق انك دلوقتي زعلانة انك كتبتي كدة.. هو تصرف متهور منك بس ولا يهمك".

واختتم قائلاً: "مش عيب إن الانسان يغلط ويتعلم وانا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا وبيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك".

اقرئي أيضاً:

بالفيديو | رشاقة ميريام فارس بعد الولادة تُثير حيرة المتابعين