بالفيديو | رضوى الشربيني تنهار على الهواء في أول ظهور لها بعد وفاة والدتها

عادت الإعلامية المصرية رضوى الشربيني مجددًا إلى برنامجها التلفزيوني "هي وبس" لتتصدر التريند من جديد خلال الساعات القليلة الماضية، بعد دخولها في حالة من البكاء على والدتها التي رحلت مطلع مارس الماضي متأثرة بإصابتها بفيروس كورونا.

وفي التفاصيل، انهارت الإعلامية رضوى الشربيني على الهواء مباشرة ودخلت في نوبة بكاء حادة، وعبّرت رضوى عن مشاعرها وما مرت به خلال الفترة الماضية وقرار عودتها لعملها، قائلة: "كان عندي كابوس لمدة 50 يوم، مش قادرة ومش عاوزه أتكلم عن تفاصيله دلوقتي، أتكلم عليها لما أقدر أتكلم عليها هتكلم عليها، لكن إحنا كان لازم نطلع لأن عندنا رسالة والرسالة دي لازم نكملها".

وأضافت: "كمان كان لازم أطلع عشان أنا هي هي نفس الست اللي قعدت 5 سنين تقولكم إن مع العسر يسرًا، وإن مهما حصل ومهما الواحد مر بحاجات مش كويسة، لكن ربنا موجود"، واصفة ما مرت به بقولها: "اختبار صعب، والحياة امتحان، كل واحد فينا عنده امتحان شكل، وكل واحد فينا بيمتحن قدر استطاعته، لكن أنا هي هي الست اللي كانت بتقولك هتعدي، وأنا كمان متأكدة إنها هتعدي، بالصبر والدعاء والصلاة هتعدي".

وتابعت: "كان عندي الاختيار إني ماطلعش وإني أطلع بعد رمضان، لكن أنا طالعة علشان أشجعك، ربنا قال إن مع العسر يسر، وانتوا كنتوا جزء كبير من يسري بدعاكم بدعاكم لأمي وهي عايشة وهي ميتة.. ناس كتير وقفت جنبي، أشخاص ربنا سخرهم علشان يكونوا جزء من اليسر".

واختتمت: "إحنا بشر وكل واحد بتحصل له حاجات لازم صبر عليها ويسحتملها حتى لو العقل مش مستوعبها أو القلب مش مستحملها لكن هو ربنا قال وبشر الصابرين، فاحنا لازم نقول الحمد لله.. انتو وحشتوني، وأنا متشكرة جدا لأني حاسة إن كل اللي عملته الخمس سنين اللي فاتت مراحش ع الأرض.. بشكر شخص معين وقف جنبي وهو قاعد بيتفرج عليا".

اقرئي أيضًا:

سر احتفاظ المومياء المصرية بشعرها حتى الآن وكافة تفاصيل نقلها اليوم