رد قوي من يسرا اللوزي بعد أن وصفها متابع بـ "أم الطرشة"
أضف إلى قائمتيتفاعلت الفنانة المصرية يسرا اللوزي مع تعليق لأحد متابعيها عبر حسابها الشخصي بموقع انستقرام كان قد وصفها بـ "أم الطرشة"، في إشـارة منه إلى إبنتها الصمّاء التي دومًا تفتخر بها وتتحدث عنها في البرامج.
فردّت عليه يسرا اللوزي قائلة: "شكرا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيا أحب أعبر عن فخرى بكونى والدة طفلة صماء، لأنها علمتنى حاجات كتيرة جدا وبقيت بنى آدمة وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها".
وأضافت: "ثالثًا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يشاهم بشكل إيجابى فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر عشان يقدروا يتعلموا كويس ومايبقوش عبء على حد، بل بالعكس هيكونوا قادرين يندمجوا فى المجتمع (المريض للأسف)".
واختتمت: "فالبتالي الطفلة الصماء دى، ليها إنجازات أثرت على شعب كامل، رغم إن عمرها 6 سنين، ياريت توضحلى بقى.. حضرتك أنجزت إيه فى حياتك؟.. شكرا".
وعلى الفور تفاعل عددٌ من الفنانات مع هذا الردّ وكانت أبرزهم الممثلة المصرية زينة التي كتبت عبر حسابها بموقع انستقرام: "عارفين يعني ايه ام !! يعني حب وتضحية ومعاناة وعطاء وتعب ومسؤلية وحاجات كتير مالهاش وصف ...عارفين يعني ايه طفل او طفلة !!! يعني مستقبل وحياة وعمر جاي وتفاؤل وحب ...عارف يعني ايه تعاير طفلة يعني الشيطان نفسه يخجل انه يعمل كده يعني انت لا شيطان ولا بني ادم انت حاجه مالهاش وصف !!".
وأضافت: "انت مخلوق ضعيف ومريض مرض مالوش تشخيص لان اي مخلوق حتي الشيطان اشرف منك انت وامثالك مكانكم المجاري ولو ان المجاري فيها كائنات حيه اشرف منك ...الطفلة دي ميزها ربنا واختبر امها اختبار صعب نجحت وجاهدت وحاربت واشتغلت علشان تقف جنب بنتها اللي مايشرفهاش تعرف امثالك منك لله".
واختتمت: "ربنا هو اللي قادر ينتقم منك يا معدوم القلب والضمير والرحمه والانسانية.. يسرا اللوزي I’m so proud of you.. ربنا يخليلك بنتك وتشوفيها احسن بنت في الدنيا".
View this post on Instagram
اقرئي أيضاً:
بالفيديو | الممثلة التركية جيرين يلماز تغني بالعربية لوائل كفوري
