ريهام سعيد تخرج عن صمتها وترد على متهميها بالمتاجرة بمرضها

انتشرت آراء في الفترة الأخيرة عبر مواقع التواصل الاجتماعي حول مرض الإعلامية المصرية ريهام سعيد، حيث رأى البعض أنها تتاجر بمرضها وظهر ذلك جلياً في التعليقات على الصور التي تقوم بنشرها عبر حسابها الرسمي على انستقرام.

ورداً على هذه الآراء قامت ريهام بنشر فيديو ترد فيه على كل على الذين يتهمونها بالمتاجرة بمرضها، وقالت: "أنا شيفاها سفالة وقلة ذوق وقلة رحمة، هل أنا هقعد حابسة نفسي في البيت شهر علشان أمثل إني تعبانه؟.. هل أنا لميت تبرعات على مرضي؟ هل لما تعاطفت معايا مرتبي زاد؟ أنا ست كويسة غصب عنك، ربنا بيبتليني علشان بيحبني، أنا مطلعتش أعيط للناس وأعمل فيديوهات وأقول الحقوني، على فكرة أنا بقالي 3 شهور عيانة ومقولتش لحد، دايماً قوية وعمري ما تاجرت بحاجة".

واستكملت ردها على من اتهمها أنها فعلت ذلك لمجرد أنها تريد أن تقوم بعملية تجميل، قائلة: "أنا مبحبش أصعب على حد ومبحبش حد يتعاطف معايا، وأنا ست قوية جداً بايماني بالناس اللي هتقف معايا، أنا عملت خير كتير جداً في حياتي وواثقة إن ربنا هيطلعني من أي حاجة وحشة، هو أنا اصلا كنت محتاجة تجميل في مناخيري؟ ولا محتاجة تجميل في أي حاجة؟ وحتى لو عملت عملية تجميل انت مالك دي حرية شخصية".

وأضافت: "أنا تعبت وكنت بموت زي أي واحد، للناس المريضة دي على فكرة مبيكذبش غير الكذاب ومبيخونش غير الخاينين، يعني شريف مدكور لما كان بيستقبل الناس في بيته يبقى كدا هو مكنش عنده كانسر؟ كان بيمثل؟ هل هو الواحد لازم يموت علشان ميكنش بيمثل، هل لازم يكون خبر وفاتي انهاردة علشان تقول انها مش بتكذب".

واختتمت حديثها قائلة: "أنا كنت عيانة وخفيت وراجعة أحسن وأقوى من الأول وراجعة ببرنامجي وهيبقي أحسن من الاول، باذن الله باذن الله، يوم الحد هتبقوا مكسوفين أوي علشان كنت مصورة كل الي حصل، أد ايه هي حاجة قذرة انك تثبت للناس انك كنت بتموت، أنا قلت لما اموت ادعولي مش اتعاطفوا معايا".

اقرئي أيضاً:

ماغي بو غصن تستأصل ورم بالمخ.. وهذه آخر مستجدات حالتها الصحية