ريهام سعيد تعلن عن عودتها إلى الشاشة وتعلّق "الحرب بدأت"

بعد مرور فترة على وقف الإعلامية ريهام سعيد عن ظهورها على شاشات التليفزيون بعد قضيتها التي أثارت ضجة كبيرة بسبب اساءتها لمرضى السمنة، تواصلت مع نقابة الإعلاميين المصريين من أجل تقنين أوضاعها للعودة مرة أخرى إلى الإعلام بعد انتهاء إيقافها.

وقد أعلنت عبر حسابها الشخصي على إحدى مواقع التواصل الإجتماعي عن عودتها قريباً إلى الشاشة من جديد، وأكدت أيضاً أنه وبعد إنتشار خبر عودتها يتم مهاجمتها وشن الحرب عليها وعلقت بذلك على صورة لها قد نشرتها الأيام الماضية على تطبيق إنستقرام، وبعدها قامت بحذفها.

وقد كتبت بعد ذلك "الحرب بدأت قبل أي حاجة، مكنتش أعرف إني مهمة كده وبخوف كده مكنتش أعرف لمجرد التفكير في الرجوع كل الفشله هايبتدوا يسنوا أسنانهم، بتثبتوا ايه لمين؟ قاعدين تكلموا طوب الأرض عشان مرجعش وبتدفعوا فلوس لمواقع تعمل استفتاءات خايبه زيكوا عليها أصحابكوا بيعلقوا بأكونتات فيك، ما إنتوا لو مش خايفين تقعدوا في البيت وتتفرجوا علي نفسكوا مش هاتخافوا كده".

وتابعت: "اتطمنوا أنا لسة مارجعتش وممكن مارجعش لو ربنا مش عايز وممكن أموت بس الـ٢٤ ساعة اللي فاتوا اثبتولي إن النجاح مابيروحش وإن الشاطر الناس كلها بنبقى عارفه إنه شاطر، جمهوري كبير أوي وعظيم أوي والدعاء بيوصل، آه نسيت أقول حاجة رجوعي من عدمه مش هايغير فكرة إنكوا فاشلين وهاتفضلوا فاشلين مسنودين آه بس ناجحين لا ماتموتوش علي الدنيا كده".

إقرئي أيضاً:
نيللي كريم ودينا الشربيني في الصدارة... بعد نجاحهما الباهر في رمضان 2020