ريهام سعيد تكشف عن إحساسها بالموت القريب بسبب الظلم
أضف إلى قائمتيقالت الإعلامية والفنانة ريهام سعيد، إنها تشعر الفترة الحالية بقرب وفاتها، وأنها تشعر بالظلم لأنها كانت تتلقى العديد من العقوبات، بينما يتم التغاضي عن ألأخطاء الخاصة ببعض زملائها الإعلاميين أو تخفيف العقوبة عليهم.
وتحدثت ريهام سعيد عبر صفحتها على موقع التواصل الاجتماعي فيسبوك: "أقسم بالله كل حرف هاكتبه صادق و من قلبي.. أنا حاسة إن أنا هاموت قريب عشان كده هابعد عن السوشال ميديا عشان أقعد مع أولادي أكتر وقت ممكن خصوصا ابني الصغير".
وأضافت: "يمكن سحر يمكن اكتئاب ويمكن حقيقي.. غالبا إحساس الظلم كان بيقتلني بالبطيء في يوم من الأيام الدنيا قامت علىّ عشان تعلب، أما المعراج وإنكارها عادي .. تامر أمين يغلط في الصعايدة قاصد أو مش قاصد يتوقف ٣ شهور، لكن أنا أعمل أكبر حملة للسمنة وأعالج آلاف من السمنة وعمليات ببلاش ويفتروا عليّ و يقولوا إني قلت أن ريحتهم وحشة وأتوقف سنة.
وأكملت حديثها : كفاية أننا عالجنا أعداد مهولة من الشباب من المخدرات ورحت أماكن خطر جدا عشان أوعي الناس بدل ما أتكرم ألاقي نفسي نايمة في أوضة متر في متر مع تاجري مخدرات.
وواصلت ريهام: البرنامج يتوقف أطفال تموت ومدرسة ذوي الاحتياجات الخاصة اللي فاتحينها تتقفل وتطلع ريهام أفاقة وكدابة.. لو فضلت أحكي هاحكي كتير بس أنا موجوعة ومش قادرة أحكي.. لو مت أنا مش مسامحة.. مش مسامحة أي حد قال عليّ كلمة واحدة مش حقيقية أو علي السمع.. مش مسامحه أي صحفي كتب عني كلمه ظلم مش مسامحة أي واحد كتب كومنت موت بيها أطفال القلب.. كفاية أن أي حاجة الإعلام بيتكلم فيها دلوقتي أنا متكلمه فيها من عشر سنين .. مش مسامحة و لا هاسامح .. مش مسامحة اللي بتسحرلي كل شوية.
وأنهت ريهام رسالتها قائلة: "ما توجعوش حد تاني، إحساس الظلم مميت، إحنا كنا البرنامج رقم واحد في المشاهدة في الوطن العربي 10 سنين والسابع على العالم وتعبنا أوي أوي أوي أوي. قدر الله وما وشاء فعل، حقي عندك يا رب. في الآخر السيرة أهم من السمعة لأن السمعة دي الحاجات اللي بتسمعها وماشفتهاش وهي مش حقيقة لكن السيرة دي اللي موجودة في كل بيت فيكي يا مصر.
إقرئي أيضاً:
