زينة مكي ونبيل خوري إلى القفص الذهبي وأغنية تتوّج حبهما
أضف إلى قائمتي
نشرت زينة مكي على صفحتها على انستقرام أغنية من إخراجها وكلمات وألحان نبيل خوري، وأعلنت زينة عن زواجهما بطريقة بسيطة عبر أغنية " قبل بوقت."
إعلان الزواج عبر أغنية "قبل بوقت"
ونشرت الممثلة والمخرجة اللبنانية مقطعاً صغيراً من الأغنية مع بوست قالت فيه:
كل حياتي من أنا وصغيرة كنت كل ما اسمع غنية و انغرم فيها.. اتخيلها براسي متل الفيلم و ارسم كل المشاهد براسي ..ما كنت متخيلة بيوم من الأيام إنوّ أول فيديو كليب من إخراجي رح يكون لزوجي. نبيل خوري كان شخص غريب فات عحياتي و كتبلي هالغنية قبل ما نلتقى، و بعتلي ياها .. ما عرفت شو حِسّ بوقتا.
بعد فترة اتصل فيي وقللي: عرفت بالصدفة إنِّك مخرجة! خلينا نصوّر الغنية " - مرق الوقت .. حَضّرت الفكرة - صار يللي صار بلبنان ..
بدّي قلكن إنّو نبيل خوري الشخص الغريب يللي طلب مني اشتغل معو على "غنّيتي" من كم شهر .. صار اليوم جوزي. احضرو كل الكليب اليوم الساعة ٥ بتوقيت بيروت.
ثم نشرت زينة فيديو آخر للأغنية بالكامل. ولاقت الأغنية ردود فعل إيجابية، وتلّقى الثنائي ردوداً مهنئة من الأصدقاء والمعجبين.
عرض الزواج أيضاً كان عفوياً
وكانت زينة قد تلّقت عرضاً للزواج من قبل حبيبها نبيل الخوري في شهر آب الماضي، حيث فاجأ الخوري مكّي بعرض الزواج بطريقة لطيفة وبسيطة في النادي الرياضي. ونشرت الممثلة فيديو على تطبيق انستقرام قالت فيه:
رغم كل شي عم يمرق فيه بلدنا و نحنا.. و رغم كل الزعل يللي بقلبي و بقلبو .. نبيل هو السبب يللي عم بيخلّيني اوقف على اجريي كل يوم.
بنُص زعلي و بنُص تعصيبي .....و بنُص تمريني اليوم، بيقللي : بدِّك تصيري مرتي ؟
انا يللي بحياتي ما تخيّلت أعمل هيك خطوة .. الا بس فات هّو عحياتي..
ايه .. أكيد ايه.
و عفكرة.. انتَ يللي خلّيتني اسمع الموسيقى أحلى.
يُذكر أن الثنائي ينتميان إلى طوائف مختلفة، وكانت مكي قد أعلنت في وقت سابق أنّها تفضل زواج الحب على زواج العقل، لافتة أنّ "زواج العقل يكون تقليدياً، ولكن إذا لم يكن الغرام موجوداً لا يكون هناك قبول للشخص."
إقرئي أيضاً:
