هشام سليم يطلب الرحمة لإبنه نور بعد تصريحاته الأخيرة

خرج الفنان المصري هشام سليم ليُعلّق على تصريحات ابنه نـور الجريئة بعدما تسببت في رفع دعوى قضائية ضده واتهامه بدعم المثلية!

وأعرب هشام سليم عن رأيه في تصريحات إبنه التي رآها شجاعة وقوية، وقال: "أنا شايف إنها شجاعة منه إنه بيحاول يفهم الناس الحقيقة ومبيحاولش يستخبى ورا أي ستار، وأنا مقولتش كلام مختلف عن اللي هو قاله، أنا أصلي مابشوفش الحاجات دي، ومش بقرأ الحاجات اللي بتتكتب، لكن في ناس كلموني وقالولي".

وأضـاف: "فعلا مش عارف هو قال تحول أو تعمد مش عارف، ولكن أنا من البداية قولتله إنت داخل على مرحلة جديدة جداً وخطيرة جداً.. وأنا ما أقدرش أقوله إنه غلطان علشان بيقول الصراحة لأن للأسف أنا متربي على كده".

وفيما يخص اتهامات المتابعين وروّاد السوشيال ميديا لعلاقة نور مع الله، قال: "الناس بتقول عليه إنه ميعرفش ربنا وأن ربنا هيحرقه، إبني مابيدورش غير على كلمة واحدة اللي هي الرحمة، إرحموه عاوز الرحمة علشان يعرف يعيش".

يُذكر أن سبب الدعوى القضائية التي رُفعت ضد نور هو خروجه بمقطع فيديو يطلب فيه الرحمة للناشطة سارة حجازي ويدعو الجميع لأن يتحلّوا بروح الإنسانية وتقبُّل الآخر، ومنتقداً حملات التشهير والقسوة التي طالتها دون أي وجه حق، وراجياً أن يلتزم كل شخص بتعاليم دينه دون فرضه على الآخريـن.

اقرئي أيضاً:

نور إبن الفنان هشام سليم المتحوّل جنسياً متهماً! لماذا؟